МУЛОҲАЗА
ЁШГА МОС КИЙИНГАНГА НИМА ЕТСИН
Бугунги кунда кийиниш маданияти ҳақида кўп гапириляпти, матбуотда кенг ёритиляпти. Бироқ, хотин-қизларимиз орасида ўз ёшига номуносиб кийинганлари ҳам борки, уларни кўча-кўйда кўриб уялиб кетасан.
Бир куни бекатда турсам 60 ёшлар чамаси бир аёл биз томон кела бошлади. Ёнимда турган ёш-ялангдан тортиб, катталарнинг ҳам нигоҳи унга қадалди. Кўзим тушиб, мен ҳам уялиб кетдим. Ёшига ярашмаган тор ки-йим (у тўладан келган эди), бошяланг, сочларини эса хўрпайтириб олгани кўрган одамнинг кўнглини хира қилиб юборади. Эҳтимол, у аёл бирор-бир масъул лавозимда ишлар, кийиниши шуни тақозо этар. Аммо нима бўлганда ҳам у ўзбек аёли, ёшига муносиб, менталитетимизга хос кийинмоғғи даркор эмасми?
Биз ёшларни очиқ-сочиқ, тор кийим кийганликда айблаб, уни онаси шундай ҳолда кўчага қандай қилиб чиқарди экан, - деб куйинамиз. Баъзи юқоридагидай ёшига тўғғри келмайдиган алфозда кийим кийган аёлларни кўрганда кимни айблаймиз?!
Балки у замон билан бўйлашиб кийинаётгандир. Лекин ўзбек аёли ўзининг кийиниши, юриш-туриши, ҳаё, ибоси билан ибрат эмасми?
Ёшни-ку ёш деймиз, катта ёшдаги аёлларнинг, кичикроқ бўлса ҳам бошига рўмол ўраши унга улуғғворлик бахш этиб турса туради-ки, асло мавқеини туширмайди.
Бу фикрга сиз нима дейсиз?
Умаржон АБДУЛЛАЕВ,
Асака тумани.
|