ҚАТРА
ТОШНИНГ ҲАСРАТИ
Одамлар қизларини узатишаётганида "борган жойингда тошдай қотгин, болам" деб менга нисбатан яхши гап ишлатишади. Баъзилар эса, мендан ёмон қурол сифатида фойдаланишади, яъни, мен орқали бир-бирларига жароҳат етказишади. Ахир, мен Тошман. шунга яраша ўз ишимни қиламан.
Кимгадир фойдам тегса, уйининг токчасидан жой оламан. Ёнғғоқ чақишларига ёрдам бераман. Ўрни келса мих қоқишга фойдам тегади.
Энг ёмони, одамлар бир-бирларига ҳасад қилишса, мени қўлига олишгача етади. Шундан асрасин! Ёмон одамнинг қўлига тушсам, душманининг бошини ёраману, тушган еримда қотаман. Ана унда кераксиз буюмга айланаман. Лаънатланган тош бўлиб қоламан.
Ота-боболарим бўлмиш баланд қоя тошлар каби бўла олмаганимдан афсусланаман. Улар табиатнинг барча синовларига дош бериб, бир-бирларига суянч бўлиб мағғрур туришади. Ажойиб санъат асарига ўхшаб, инсонлар кўзини қувонтиради.
...Мен эса ҳамон ерда кераксиз буюм сингари ётибман. Ишқилиб, яхши одамларнинг қўлига тушиб, яхшиликка хизмат қилайин-да...
Илҳомжон ТОЖИБОЕВ,
Андижон санъат коллежи
битирувчиси.
|