ТАҲРИРИЯТГА ХАТ

"ИҚБОЛ"ГА ИҚБОЛ ТИЛАЙМАН

Вилоятимиз хотин-қизларининг ижтимоий-сиёсий, маданий-маърифий нашри бўлган "Иқбол" газетасини бир неча йилдан буён ўқиб тураман. Ушбу газета толеъи баланд хотин-қизларимизнинг серқирра ҳаёти, яшаш тарзи, орзу-истакларини ҳикоя қилувчи газета бўлиб, нашр ходимлари ўзига юклатилган вазифани муваффақиятли уддалаяпти, десам кўп сонли мухлислар фикримга қўшилсалар керак.

Мустақил республикамиз Президенти томонидан ҳар йили ўзига хос номланаётган йилларга бағғишланаётган махсус саҳифалар, хотин-қизларимиз фаолиятини акс эттирган маданий-маърифий мақолалар ҳаммани хушнуд қилмоқда. Ўтган 2010 йил - "Баркамол авлод йили"да айниқса, таҳририят ходимлари ўқимишли, мазмундор мақолалар чоп этишга ҳаракат қилдилар.

Газетанинг безатилиши, турли мавзуларни акс эттирувчи материалларнинг жойлашиши ҳам бошқа нашрлардан фарқ қилади.

Ўйлайманки, 2011 йил - "Кичик бизнес ва хусусий тадбиркорлик йили"да газета жамоаси янада самарали фаолият юритади.

Саттор Али ОБИДДИНОВ,

Марҳамат тумани.