Янгиликлар
    Сиёсат ва хаёт
    Аёл ва жамият
    Кадриятларимиз
    Хар тугрида
    Бекалик сирлари
    Адабиёт
    Хидоят нури

 ҚИДИРИШ

 ОВОЗ БЕРИШ
Газетамизнинг янги сони сизга манзурми?
 Ха
 Йук
 Менга фарки йук
Овоз бериш натижалари

 РЕКЛАМА


 ҲАМКОРЛАРИМИЗ


Ўзб ¤ Рус ¤ Eng  
№21 дан: 19.05.2011

2011 ЙИЛ "КИЧИК БИЗНЕС ВА ХУСУСИЙ ТАДБИРКОРЛИК ЙИЛИ"

ДАВР БИЛАН ІАМНАФАС

Кичик бизнес ва хусусий тадбиркорлик - жамиятимизнинг бугунги ва келажак тараққиётимиз, фаровон ҳаётимизнинг мустаҳкам таянчи бўлиши шарт.

Ислом КАРИМОВ.

Сир эмаски, мустақиллик йилларида мамлакатимизда иқтисодиётнинг ғоят муҳим соҳаси ҳисобланмиш кичик бизнесни ривожлантиришни рағбатлантиришга, хусусий тадбиркорлик ҳуқуқларининг кафолотлари ва ҳимоясининг кучли тизимини яратишга жиддий эътибор бериб келинмоқда. Бунинг боиси шуки, ижтимоий йўналтирилган замонавий бозор иқтисодиётида кичик бизнес муҳим ўрин эгаллайди. Энг аввало, кичик бизнес бозор коньюнктураси ўзгаришларига тез мослаша олишга, истеъмолчиларнинг талаб-эҳтиёжлари қандай ўзгаришига қараб иш тута билишга қодирдир. Кичик бизнес рақобатчилик муҳитини шакллантирадики, бусиз бозор иқтисодиётини тасаввур қилиб бўлмайди. Иккинчидан, кичик бизнес янги иш ўринлари жадаллик билан барпо этилишини, аҳолининг бандлиги ўсишини ва унинг даромадлари ошиб боришини таъминлайди. Учинчидан, кичик бизнес ички бозорни товарлар ва хизматлар билан бойитишнинг муҳим манбаи ҳисобланади. Кичик бизнес ва хусусий тадбиркорликнинг изчил ривожланиб боришини таъминлаш орқали биз мамлакатимизда жамиятнинг ижтимоий-сиёсий таянчи ва пойдевори бўлган ўрта синфнинг шаклланишига ва унинг тобора мустаҳкам бўлиб боришига эришмоқдамиз. Айни пайтда, кичик бизнес ва хусусий тадбиркорлик субъектларининг ташқи иқтисодий фаолият соҳасида иштирок этиши, уларнинг минтақа ва жаҳон бозорларига чиқишини кенгайтириш муаммосини ҳал этишга жиддий аҳамият берилмоқда. Шуни алоҳида эътироф этиш керакки, бугунги кунда юртимизда кичик бизнес ва хусусий тадбиркорлик, асосан, савдо-сотиқ, хизмат ва алоқа соҳасида, қишлоқ хўжалик маҳсулотларини қайта ишлаш тобора ривожланиб, катта ютуқлар қўлга киритилмоқда. Республикамизда кичик бизнес ва хусусий тадбиркорликка берилаётган имтиёзлар меҳнатга лаёқатли аҳолини иш билан таъминлаш билан бирга, экспортбоп маҳсулотларни ишлаб чиқаришга кенг шароитлар яратиб бермоқда. Юртимизда ижтимоий йўналтирилган бозор иқтисодиётига асосланган ҳуқуқий демократик давлат қуриш, инсон, унинг манфаатлари, ҳуқуқ ва эркинликлари энг олий қадрият ҳисобланадиган фуқаролик жамиятини шакллантиришда Конституциямизнинг мустаҳкам пойдевор бўлиб келаётганлигини эътироф этиш жоиз.

Тадбиркорлик юртимиз тарихида азал-азалдан алоҳида ўрин тутиб келади. Ота-боболаримизнинг ўз ери, ўз мулки, ўз касбу ҳунарига эга бўлиш, омилкорлик билан иш юритиш, тадбиркор ва ишбилармон инсонларни қадрлаш борасидаги анъаналари ҳалигача давом этиб келмоқда. Албатта, бир пайтлар тадбиркорлик ўзгача ном билан аталиб келган. Савдогар ёки дўкондор, ҳунарманд, уста ёки касаначи, ҳаттоки, катта-кичик корхона эгаси деб. Нима бўлганда ҳам аждодларимиз шу соҳа орқасидан рўзғор тебратиб, ўз оиласини, қолаверса, эл-юрт манфаатини таъминлаб келганлар. Аниқроқ қилиб айтадиган бўлсак, тадбиркорлик халқимизнинг, миллатимизнинг қон-қонига сингиб кетган фазилатдир.

Мустақиллик даврида мамлакатимизда ютуқлар, тадбиркорлик ва ишбилармонлик, кичик бизнеснинг ривожланиб бораётганлиги, бу соҳа вакилларига ҳукуматимиз томонидан қаратилаётган катта эътибор ва кенг имкониятлар ҳақида ҳам кўп гапириш мумкин.

Масалан, кичик бизнес ва хусусий тадбиркорликнинг янада ривожланиши ҳамда мамлакат иқтисодиётининг барқарор фаолият юритишида унинг ролини ошириш мақсадида, Ўзбекистон Республикаси Президентининг 2009 йил 29 январдаги "Уй-жой фондини фойдаланишга тайёр ҳолда топшириш шартларида реконструкция қилиш ва таъмирлаш бўйича пудрат ишларини кенгайтиришни рағбатлантиришга доир қўшимча чора-тадбирлар тўғрисида"ги қарори қабул қилинганди. Қарорда тадбиркорлик субъектлари учун бир қатор муҳим қўшимча имтиёз жорий этилди. Жумладан, янгидан ташкил этилаётган таъмирлаш-қурилиш ташкилотлари 2014 йил 1 январгача солиқларнинг барча турларини ва давлат мақсадли жамғармаларига мажбурий ажратмаларни тўлашдан озод қилинди(бюджетдан таш-қари пенсия жамғармаси бундан мустасно). Шунингдек, вазирлар Маҳкамаси томонидан тасдиқланадиган рўйхат бўйича Ўзбекистон Республикаси ҳудудига олиб кириладиган қурилиш техникаси ва кичик механизациялаш воситалари учун божхона тўловлари тўлашдан(божхона расмийлаштируви йиғимлари бундан мустасно) озод қилинди.

Тадбиркорлик, ишбилармонликка кўрсатилаётган катта эътибор, шубҳасиз, юртимизни янада юксалишига хизмат қилади.

Омонилло АБДУСАЛОМОВ,

Андижон давлат тиббиёт институти катта ўқитувчиси,

Андижон шаҳар кенгаши депутати.

Манзурахон БАДАЛОВА,

Андижон давлат тиббиёт институти ассистенти.


« орқага


 МАЪЛУМОТЛАР
Нашр ҳақида
Мулоқот
Обуна
Архив
Фонд лойиҳаси

 РЕКЛАМА


 ОБ-ҲАВО


 ВАЛЮТА КУРСИ
Подробнее на www.nbu.com -->

 РЕЙТИНГ

Hosting by UZINFOCOM




Copyright © 2006 — 2024 IQBOL
Сайт Ўзбекистон мустақил босма ОАВни ва
ахборот агентликларини қўллаб-қувватлаш
ва ривожлантириш жамоат фонди кўмагида яратилди.
Дизайн ва дастурлаш SAIPRO компанияси томонидан амалга оширилди