КЎРИК-ТАНЛОВ ДАВОМ ЭТМОҚДА
Маълумки, Ўзбекистон мустақиллигининг 20 йиллиги байрами арафасида вилоятимиз бўйлаб "Андижонни кўркам ва обод вилоятга айлантирайлик!" кўрик-танлови бўлиб ўтмоқда. Танлов Марҳамат туманида ҳам кўтаринки руҳда бўлиб ўтди.
Тадбирни вилоят хотин-қизлар қўмитаси раиси Н.Якубова очди ва байрам қатнашчиларини улуғ айём билан муборакбод этди.
Шу куни Кўтарма қишлоғилик Ҳадичахон Раҳимовалар оиласи томонидан қуриб битказилган икки қаватли савдо шохобчаси фойдаланишга топширилди. Шунингдек, Юнусали Ғозиев раҳбарлигидаги "Андижон самоси" дорбозлар гуруҳининг чиқишлари, Т.Мирзаев номли маҳаллада оталар чойхонасининг очилиши маросими, "Турон" ўқув маркази қошидаги ҳайрия кутубхонасининг китобхонларга бепул хизмати барчани мамнун этди.
Кўнгилочар концерт дастури байрам иштирокчиларида катта таассурот қолдирди.
У.АБДУСАЛОМОВ.
|