ИЛМИЙ СЕМИНАР БЎЛИБ ЎТДИ
Андижон машинасозлик институтида Германиянинг Дортмунд техника университети билан ҳамкорликда амалга оширилаётган "Анъаналарни замонавийлаштириш: ўзбек тўқимачилик мероси, маданий ва иқтисодий ресурс сифатида" лойиҳасига бағишланган илмий семинар бўлиб ўтди.
Институт олимлари, талабалари, Германиядан ташриф буюрган мутахассислар иштирок этган мазкур анжуманда 2010-2012 йилларга мўлжалланган ушбу лойиҳанинг мақсад ва вазифалари, миллий тўқимачилик анъаналарини ривожлантиришдаги аҳамияти, лойиҳани амалга оширишда иштирок этаётган таълим муассасаларига грант ҳисобидан 4500 евролик техник жиҳозлар тақдим этилганлиги хусусида гапирилди.
Лойиҳа доирасида институтнинг бир гуруҳ ўқитувчи ва талабалари Бухоро, Тошкент ва Дортмунд шаҳарларида ўтказилган семинарларда ўз малакаларини ошириб қайтдилар.
З. МАНСУРОВА.
|