ҚИЗИҚАРЛИ СЕМИНАР
Андижон шаҳридаги 29-умумтаълим мактабида шаҳар мактаблари илмий бўлим мудирларининг семинари бўлиб ўтди. Семинар "Янги педагогик технология, ноанъанавий усулда дарс ўтиш" мавзусига бағишланди. Физика, математика, она тили ва адабиёти, кимё ва биология, информатика фанларидан очиқ дарс, "Тил - дил калити" мавзусидаги очиқ тарбиявий соат ҳамда "Она тилим - онадек азиз" деб номланган тадбир бўлиб ўтди. Унда мактаб ўқувчилари томонидан тил ҳақидаги шеърлар, ҳикматли гаплар, топишмоқлар айтилди.
Семинарнинг мазмунли ўтказилишида мактабнинг она тили ва адабиёти ўқитувчиларидан Насибахон Умарова, Дилрабо Ниёзова, Дилобар Валиева, Муяссархон Содиқовалар фаоллик кўрсатдилар.
Семинар қатнашчилари шу куни мактабда олиб борилаётган ўқув тарбиявий ишлар билан яқиндан танишиб, ўзаро фикр алмашдилар.
Ш.КЕЛДИЕВ
|