ДЎППИДЎЗ ОДИНАХОН
Одинахон Йўлдошева Андижон шаҳрининг "Эркин" маҳалла фуқаролар йиғинида истиқомат қилади. Қўлида гулдай ҳунари бор - дўппидўз. Шу касби орқасидан рўзғори бут, ҳаёти тўкисдир.
Одинахоннинг Йўлдошевлар хонадонига келин бўлиб тушганига чорак аср вақт бўлди. Келгандан буён дўппидўзлиги унинг оиладаги, маҳалла-кўйдаги обрўсини оширди ва кўпларнинг ҳурматига сазовор қилди. Айниқса, қайнонаси Кимёхон буви ундан миннатдор.Чунки бу чевар келини онахоннинг ҳунарини ўрганиб, оила анъанасини давом эттирмоқда.
Ўз даврида Кимёхон буви ҳам дўппидўз-ҳунарманд бўлган. У тиккан "Чуст", "Ситора", "Андижон", "Инжиқ нусха" каби дўппилар ўзбек ўғлонлари бошида миллийлик рамзи сифатида қадр топган.
Дарвоқе, "Эркин" МФЙ аҳли орасида қайнона-келин Кимёхон ва Одинахонларнинг ўрни ва қадри баландлиги, шубҳасиз, умрбоқий ҳунарлари шарофатидандир.
Ш.КЕЛДИЕВ.
|