АНДИЖОНДА МИНТАҚАВИЙ СЕМИНАР
Ўзбекистон "Адолат" социал-демократик партияси сиёсий кенгаши ижроия қўмитаси ташаббуси билан партиянинг Андижон, Фарғона ва Наманган вилоятлари Кенгашлари фаоллари учун "Ўзбекистон "Адолат" СДП ташкилотлари фаолияти самарадорлигини ошириш - давр талаби" мавзуида ҳудудий ўқув-семинар бўлиб ўтди.
Семинарда партиянинг Олий Мажлис Қонунчилик палатасидаги фракцияси аъзолари, партиянинг вилоят, туман ва шаҳар Кенгашлари раислари, халқ депутатлари маҳаллий Кенгашларидаги партия депутатлик гуруҳи аъзолари, партия фаоллари ва ОАВ вакиллари қатнашдилар.
Тадбирда жорий йилда ҳудудий партия ташкилотлари олдида турган устувор вазифаларни амалга ошириш чоралари, улардан унумли фойдаланишни йўлга қўйиш, шунингдек, вилоятлардаги партия кадрлари, "Ёш адолатчилар" ва "Аёллар қанот"лари, бошланғич партия ташкилотлари котиблари фаолиятида самарадорликни ошириш масалалари кўриб чиқилди.
Ўқув-семинар сўнггида маърузалар ҳамда кўрилган масалалар юзасидан иштирокчилар ўз фикр-мулоҳазаларини билдирдилар ва тегишли тавсиялар ишлаб чиқилди.
У.АБДУСАЛОМОВ
|