ИЛМИЙ-АМАЛИЙ СЕМИНАР
Андижон давлат тиббиёт институтида Ўзбекистон Республикаси Олий Мажлиси Сенатининг Фан, таълим, маданият ва спорт масалалари қўмитаси, Ўзбекистон Республикаси Олий Мажлиси Сенатининг Маҳаллий ҳокимият вакиллик органлари фаолиятини кучайтиришга кўмаклашувчи комиссияси ҳамда Халқ депутатлари Андижон вилоят Кенгаши ҳамкорлигида "Ўзбекистонда она ва бола саломатлигини муҳофаза қилишнинг миллий модели: "Соғлом она - соғлом бола" халқаро симпозиуми тавсиялари ҳамда "Мустаҳкам оила йили" давлат дастурида белгиланган вазифалар ижросини самарали таъминлаш йўллари" мавзусида илмий-амалий семинар бўлиб ўтди.
Анжуманда Ўзбекистон Республикаси Олий Мажлиси, вилоят Кенгаши депутатлари, туман, шаҳарлар хотин-қизлар қўмиталари раислари иштирок этди.
Тадбирда Андижон вилоятида олиб борилаётган ишларнинг тиббий хизмат сифати ва самарадорлигини ошириш, аҳолининг тиббий маданияти ва саводхонлигини юксалтириш масалалари муҳокама этилди.
Семинарда вилоят ҳокимининг ўринбосари, хотин-қизлар қўмитаси раиси Н. Яқубова қатнашди.
З.АКБАРОВА.
|