ЛИЦЕЙДА УЧРАШУВ
Андижон машинасозлик институти қошидаги Бўстон академик лицейида "Қиз боланинг одоби - ҳаёсида" деб номланган мавзу доирасида вилоят хотин-қизлар қўмитаси қошидаги "Аёллар маслаҳат маркази" аъзоси, меҳнат фахрийси Ҳадичахон Аҳмедова билан учрашув бўлиб ўтди.
Лицейда таълим олаётган 145 нафар қизлар иштирок этган мазкур учрашувда устоз Ҳ.Аҳмедова ёшларга ўзининг ҳаёти ва фаолияти, юртимизда ёш авлодга, уларнинг камолоти учун яратиб берилаётган кенг имкониятлар, шунинг-дек, одоб, ахлоқ, илм олиш ва бошқа бир қатор инсоний фазилатлар ҳақида гапириб, қизлар ана шундай юксак фазилатларни ўзларида шакллантиришлари зарурлигини таъкидлади.
Учрашув ўқувчиларда катта таассурот қолдирди.
Умуман, лицейда қизларни маънавий-ахлоқий, сиёсий, эстетик ва гигиеник камол топтириш, уларни оилавий ҳаётга тайёрлаш, муомала маданиятини юксалтиришга қаратилган бу каби маданий-маърифий тадбирлар мунтазам ўтказиб келинмоқда.
Г.АНОРБОЕВА,
лицей директорининг
маънавий-маърифий ишлар бўйича ўринбосари.
|