ХАЙРИЯ КОНЦЕРТИ ЎТКАЗИЛДИ

Андижон тумани, Бўтақора қишлоғидаги Мурувват уйида хайрия концерти бўлиб ўтди.

Унда тадбиркорлар Фахриддин Қодиров ва Замирахон Ёдгоровалар томонидан хайрия дастурхони ёзилган бўлса, санъаткорлар Аъзамжон Аҳмедов ҳамда Шуҳратбек Аббосалиев бошчилигида бир гуруҳ созандалар концерт дастурини намойиш этдилар. Дилрабо куй-қўшиқлар ўксик қалбларга кўтаринки кайфият улашди.

- Биз ногиронларнинг кўнглини шод қилсак, хурсанд бўламиз, - дейди А.Аҳмедов. - Бу маскан инсонни қалбан ўзига тортар экан, насиб қилса яна тез-тез келиб шу каби концертлар ўтказиб берамиз.

Мурувват уйи директори Дилшоджон Ибрагимов ҳомий ва ташкилотчиларга ўз миннатдорчилигини билдирди.

Г. АҲМЕДОВА,

Мурувват уйи ходимаси.