ИЛМИЙ-АМАЛИЙ АНЖУМАН
2012 йил - "Мустаҳкам оила йили" муносабати билан Андижон машинасозлик институтида "Бизнинг менталитетимизга ёт бўлган таъсирларга қарши туришда маҳалла ва оиланинг аҳамиятини ошириш" мавзусида илмий-амалий анжуман бўлиб ўтди.
Мазкур тадбир Андижон вилоят ва шаҳар хотин-қизлар қўмитаси, "Оила" илмий-амалий маркази вилоят филиали ҳамкорлигида ташкил этилди.
Анжуманни институт ректори, профессор Р.Сайдаҳмедов кириш сўзи билан очиб берди. Шундан сўнг вилоят "Оила" илмий-амалий маркази раҳбари Д.Саматова "Миллий урф-одатларларнинг ёшлар тарбиясига таъсири" мавзусида маъруза қилди.
Шунингдек, мавзу доирасида сўзга чиққанлар оилани мустаҳкамлашда бошланғич хотин-қизлар қўмиталарининг, ёшлар орасида жамиятда ўрнатилган ижтимоий меъёрларни сингдиришда оиланинг роли, фарзандлар тарбиясида ота-она ва боланинг ўзаро муносабатлари, ёшларни миллий анъаналаримизга мос тарбиялаш хусусида маъруза қилдилар.
Илмий-амалий анжуман якунида ёшларимизни ҳар томонлама соғлом ва баркамол тарбиялаш, уларнинг маънавий оламида бўшлиқ вужудга келмаслиги учун ўғил-қизларимизнинг онги ва қалбига соғлом турмуш тарзи, миллий ва умуммиллий қадриятларга эҳтиром туйғусини сингдириш юзасидан фикр-мулоҳаза, таклиф ва тавсиялар билдирилди.
Н. ҚУРБОНОВА,
институт ўқитувчси.
|