СИЗ ҚОНУННИ БИЛАСИЗМИ?

Жорий йилда "Сиз қонунни биласизми?" танловининг вилоят босқичида Булоқбоши педагогика ижтимоий-иқтисодиёт коллежининг "Фемида" жамоаси фахрли биринчи ўринни эгаллаб, республика босқичига йўлланма олган эди. Яқинда мазкур танловнинг республика босқичи Самарқанд шаҳрида бўлиб ўтди. Унда барча вилоят ғолиблари иштирок этдилар.

Танловда андижонликларга омад кулиб боқди. Тўққиз нафар қизлардан иборат "Фемида" жамоаси ўзининг топқирлиги, чуқур билим ва ҳозиржавоблиги туфайли иккинчи ўринни қўлга киритди. Жамоа аъзолари "Энг билимдон қонун тарғиботчилари" деган ном олиб, диплом ҳамда қимматбаҳо эсдалик совғалари билан тақдирландилар.

З. МАМАЮСУПОВА.