ҚЎҚОНГА САЁҲАТ
Бўз туманидаги 10-умумтаълим мактаби қошидаги "Мозийдаги садо" тўгарагининг бир гуруҳ фаол аъзолари ёзги таътил кунларидан унумли фойдаланиб, мактабнинг тарих фани ўқитувчиси Гулнозахон Розиқова бошчилигида Қўқон шаҳрига саёҳат қилдилар.
Саёҳатчи ўқувчилар шаҳар марказидаги Қўқон хонлиги давлатининг сўнгги ҳукмдорларидан бўлган Худоёрхон ўрдасида бўлдилар ва хонликнинг 200 йиллик ҳукмронлик тарихи билан яқиндан танишдилар. Шунингдек, Фарғона водийси, унинг тарихи, ҳайвонот ва наботот олами, хон саройининг қурилиши, ўрта аср ҳунармандчилиги ютуқлари тўғрисида кенг тасаввурга эга бўлдилар.
Муҳими, бу ташриф ёшларнинг ўтмишни янада яхшироқ билиш, Ватанни қадрлаш ҳамда чин маънодаги фидойи инсон бўлиб етишишларига хизмат қилиши, шубҳасиз.
И.ТОЖИБОЕВ,
Бўз тумани.
|