Янгиликлар
    Сиёсат ва хаёт
    Аёл ва жамият
    Кадриятларимиз
    Хар тугрида
    Бекалик сирлари
    Адабиёт
    Хидоят нури

 ҚИДИРИШ

 ОВОЗ БЕРИШ
Газетамизнинг янги сони сизга манзурми?
 Ха
 Йук
 Менга фарки йук
Овоз бериш натижалари

 РЕКЛАМА


 ҲАМКОРЛАРИМИЗ


Ўзб ¤ Рус ¤ Eng  
№32 дан: 26.07.2012

МУШОҲАДА

ҚИРҚТА ЖОНИ БОР АЁЛ...

Аёл - буюк сўз! Аёл - мангу қўшиқ. Боғнинг гўзаллиги дарахтлар билан, тоғнинг виқори қоялар чўққисида, ҳаёт нафосати ва назокати аёлнинг борлигида.

Аёл шаънига қанчадан-қанча қасидалар, шеър ва достонлар битилган бўлмасин, бу азалий ва абадий мавзу ҳеч қачон тугамайди. Нега деганда, Яратганнинг буюк мўъжизаси бўлмиш аёл зоти ҳар қандай таҳсинга муносиб.

Айни пайтда хонадонларга файзу баракот киритадиган ҳам, ўзининг нозик елкасида рўзғор ташвишларини беминнат кўтариб келаётган ва қаноатда беназир ҳам шу аёл зоти бўлади. Уларнинг жони қирқталиги ҳақида кўп гапирилади.

Иш, оила, бола, бекалик хизматлари билан ҳеч қачон чарчамаслиги, чарчаганда ҳам бир дам тин олиб, қуш мисол яна пирпираб кетавергани учун ҳам аёлни шундай де-йишса керак-да. Чарчамаслигининг сабабини, атрофдагиларга ҳамиша кераклигини ҳис қилиб туришида, деб биламан.

Оиланинг чироғи бўлган аёлнинг жамиятга ҳам фойдаси тегади. Турмуш ўртоғи билан баб-баробар ишлаб келади-да, уй юмушларига андармон бўлади. Уйга кела солиб, қозон-товоққа ёпишади. Эри бир зум газета варақлаш-у телевизор кўриш билан ҳордиқ чиқарса, у овқатдан сўнг кир ювиш, дазмол қилиш билан бир кунлик режалаштирган ишларини тун қаърида бўлса ҳам уддалашга ҳаракат қилади. Эртасига қиладиган ишларини ҳам бир зум хаёлидан ўтказиб, сўнг бошини ёстиққа қўяди.

Тонг-саҳарда эса яна ишни супир-сидирдан бошлайди. Нонушта тайёрлаб, болаларини боғчага, мактабга, турмуш ўртоғини ишга кузатади-да, ўзи ҳам ороланиб ишга отланади. Энди жамиятга фойдаси тегаётган фаол бир аёлга айланади. Шифокор бўлиб, беморлар дардига шифо, муаллим бўлиб болаларга зиё улашади.

Ҳунарманд аёлларнинг қўли билан тикилган сўзаналар, ипак шойи матолар, атлас-у адраслар минг хил товланиб, жилоланиб кўзни қамаштиради. Тадбиркор-у ишбилармон аёлларимиз мана шундай қўли гул хотин-қизларимизни иш билан таъминлаб, цех, хусусий корхона очиб, уларга қулайлик яратишади.

Ҳа, "Аёл бир қўли билан бешикни, бир қўли билан дунёни тебратади", дейилишида ҳам катта ҳикмат бор. Буларнинг негизида эса шу аёлнинг жони қирқталигига ишора бор. Демак, аёлнинг қўллари жудаям мустаҳкам бўлиши керак. Чунки аёл бир қўли билан иши, мансаби, мавқеини, иккинчи қўли билан уйи, оиласи, эри, болалари, энг муҳими, аёллигини асраб қолиши керак. Унинг қўлларини оналик меҳри, фидойилиги, оиласининг яхши, ибратли оила бўлишига интилиши мустаҳкам қилиб туради. Ана шу туйғу, истак унинг жонини қирқта қилади, назаримда.

Лекин аёлнинг жони қирқ-та бўлса ҳам қилдайлигини унутиб бўлмайди. Аёл мисоли гул, унинг синиши, барқ уриб яшнаб туриши ортидаги тоғдай суянч бўлиб турадиган эркакларга боғлиқ. "Жони қирқта-ку, ҳамма нарсага чидайди-да", деб ҳам қўйишади.

Тўғри, у бардошда тенгсиз. Аммо қийинчиликларга тишини-тишига қўйган аёл охири бир кун "ёрилади". Дард оширади. Сабрнинг ҳам чегараси бор-да. Турмуш ўртоғидан меҳр-муҳаббат кўрган аёл гулдай яшнаб юради. Оиласида ҳаловати бўлган аёлнинг жамиятга фойдаси тегади. Аёлининг қадрига етган инсоннинг эса ҳамиша ҳаёт йўли нурафшон бўлади.

Зумрадхон АБДУЛЛАЕВА.


« орқага


 МАЪЛУМОТЛАР
Нашр ҳақида
Мулоқот
Обуна
Архив
Фонд лойиҳаси

 РЕКЛАМА


 ОБ-ҲАВО


 ВАЛЮТА КУРСИ
Подробнее на www.nbu.com -->

 РЕЙТИНГ

Hosting by UZINFOCOM




Copyright © 2006 — 2024 IQBOL
Сайт Ўзбекистон мустақил босма ОАВни ва
ахборот агентликларини қўллаб-қувватлаш
ва ривожлантириш жамоат фонди кўмагида яратилди.
Дизайн ва дастурлаш SAIPRO компанияси томонидан амалга оширилди