АНДИЖОНДА ПАЛОВ САЙЛИ

Андижон шаҳридаги А. Навоий номли маданият ва истироҳат боғида Андижон шаҳар ҳокимлигининг ташаббуси билан палов сайли бўлиб ўтди.

Шаҳар аҳли ва унинг меҳмонлари қалбига хушнудлик ҳадя этган мазкур ажойиб тадбирда Андижон шаҳридаги 74 та маҳалла фуқаролар йиғинлари вакиллари халқимизнинг шоҳ таоми - палов тайёрлаш бўйича ўз маҳоратларини намойиш этдилар.

Тадбир доирасида маҳалла ҳунармандлари, тадбиркорлар томонидан миллий ҳунармандчилик маҳсулотлари кўргазмалари, савдо ярмаркалари ташкил этилди, бадиий дасталар, оилавий ансамбллар томонидан концерт дастурлари намо-йиш этилди.

- Халқимизнинг хуш кайфиятини, қувончу шодликларини кўриб, беихтиёр мустақиллигимизга шукроналар келтираман, - дейди "Ўзгариш" маҳалла фуқаролар йиғини раиси Маҳмудахон Ибрагимова. - Юртимиз тинч, хонадонларимиз файзли, кўнгилларимиз обод, фарзандларимиз бағримизда соғлом ва эркин улғаймоқда. Инсон, айниқса, аёл, она учун бундан улуғ бахт бўлмаса керак!

Дарҳақиқат, тадбир юртдошларимиз қалбларига тинч ва осойишта ҳаётга шукроналик, озод ва обод Ватан фуқароси эканликларидан фахр-ифтихор туйғуларини бахш этди.

Ф. ИБАЙДУЛЛАЕВ.