ҲАШАРЧИЛАР ТАҚДИРЛАНДИ

Айни кунларда вилоятимизнинг барча олий ва ўрта махсус таълим муассасалари талабалари пахта йиғим-терим мавсумида жонбозлик кўрсатишмоқда. АДУ қошидаги 3-сонли академик лицей ўқувчилари ҳам шундай хайрли ишга бел боғлашган.

Куни кеча "Камолот" ЁИҲ фаоллари ташаббуси билан Пахтаобод тумани пахта хирмони юксалишига муносиб ҳисса қўшаётган мазкур лицей ўқувчи-ҳашарчилари учун кўнгилочар тадбир ташкил этилди.

Тадбирда лицей директори Л.Юсупов сўзга чиқиб, ҳашарчиларнинг шижоати, меҳнатсеварлиги ҳақида гапирди ва энг илғор теримчи-ёшлар - С.Каримов, Д.Тўхтасинова, Ш.Мухторова, Н.Эгамов, Э.Хасанов, Л. Мамасиддиқоваларга эсдалик совғалари топширди.

Тадбирнинг бадиий қисми иштирокчиларга хушкайфият бағишлади.

И. БУРГУТБОЕВ,

талаба.