Янгиликлар
    Сиёсат ва хаёт
    Аёл ва жамият
    Кадриятларимиз
    Хар тугрида
    Бекалик сирлари
    Адабиёт
    Хидоят нури

 ҚИДИРИШ

 ОВОЗ БЕРИШ
Газетамизнинг янги сони сизга манзурми?
 Ха
 Йук
 Менга фарки йук
Овоз бериш натижалари

 РЕКЛАМА


 ҲАМКОРЛАРИМИЗ


Ўзб ¤ Рус ¤ Eng  
№42 дан: 04.10.2012

БОШЛАНҒИЧ ХОТИН-ҚИЗЛАР ҚЎМИТАСИ ФАОЛИЯТИДАН

ҲАМ БРИГАДИР, ҲАМ РАИСА...

Дилфузахон Рисқулованинг Хонободдаги "ЎзКОДЖИ" Ўзбекистон - Корея қўшма корхонасига ишга кирганига 10 йил бўлди. Бу давр ичида у илғор, интизомли, одоб-ахлоқли ишчи сифатида етишди. Ишнинг ҳадисини олди, ўз касбининг усталаридан тажриба ўрганди. Муҳими, корхонага оддий ишчи бўлиб кирган Дилфузахон йиллар давомида шаклланиб, корхона пешқадамларидан бирига айланди.

Бажарадиган иши мураккаб эмас-у, лекин майда иш. Тик оёқда туриб ишлашига тўғри келади. Бошида бироз қийналган, боз устига, корхонада интизом қаттиқ, у - бу ишга чалғиш мумкин эмас. Ахир, ойлик иш ҳақи яхши, ишчилар ҳар томонлама рағбатлантирилади. Тушлик бепул, транспорт хизмати бепул. Шундай шароити бор корхонанинг интизомига кўникмаслик мумкин эмас...

Дилфузахон асли чўл қизи. Маълум вақт оиласи билан Жиззах вилоятида истиқомат қилишган. Дилфузанинг болалик, ўқувчилик, талабалик йиллари шу вилоятнинг Дўстлик туманида ўтган. Бот-бот яшаб ўтган жойларини эслаб, "Чўл мени тоблаган экан, меҳнатга тўғри муносабат ёшликдан юрагимга ўрнашганди. Бу эса эндиликда яхши ишлаб, одамлар орасида қадр топиб боришимга асос бўлди", дея ўйланиб қолади.

Дарҳақиқат, киши қаерда бўлса ҳам ўз қобилият ва идрокини тўғри йўналтира олса, асло кам бўлмайди. Шу маънода, ёш Дилфузанинг ҳаракатчанлиги, ҳар қандай меҳнатга кўника олишида вояга етган муҳитининг ҳам таъсири сезилади. У бугун 1400 дан зиёд ишчига эга бўлган корхонада участка бригадири бўлиб фаолият юритмоқда. Автомобиллар учун зарур бўлган электр жиҳозлари тайёрланадиган корхонанинг асосий участкаларидан бирига етакчи. Диққатга сазовор жиҳати шундаки, мазкур жойда ишловчиларнинг кўпчилиги хотин-қизлардир. Дилфуза Рисқулова уларнинг иши самарали бўлишини таъминлаш учун жавобгар эканлигини ҳис этади. Шу боисдан ҳам участкаси корхонада пешқадам.

- Чунки, - дейди Дилфузахон бу натижаларга изоҳ бераркан, - участкамизда узоқ йиллардан буён ишлаб келаётган Наргизахон Юлдашева, Дилдорахон Абдураҳимова, Мавлудахон Ортиқова, Муҳаббат опа Парпиева, Маҳфуза опа Юсупова каби ил-ғор ва тажрибали ишчилар бор. Улар зиммаларидаги топшириқни бекаму-кўст уддалашга ўрганишган. Албатта, меҳнатга яраша рағбат ҳам бор.

Дилфузахон касб сирларини пухта ўзлаштирган мутахассис, қолаверса, жамоат ишларида ҳам фаолдир. 2010 йилдан буён у корхона бошланғич хотин-қизлар қўмитасига раисалик қилади. 1000 нафардан ортиқ хотин-қизга етакчилик вазифасини аъло даражада бажариб келмоқда.

Ҳа, Дилфузахон ўзи ёш бўла туриб, корхонада ҳам бригадир, ҳам раиса. Ҳар икки вазифасида ҳам аёлларга бош. Ҳолбуки, аёлларга бош бўлишга энг ибратли, ишда илғор, намунали оила бекаси, яхши оналаргина муносибдир. Бу жиҳатдан Дилфузахон ҳамкасблари ишончини қозонганлиги рост. У меҳнаткаш, фидойи, хотин-қизларнинг илғор вакили, ортидан кўпларни эргаштира оладиган аёлдир.

Дарвоқе, жорий йил Дилфузахон учун омадли келди. Жонсараклиги, ташаббускорлиги боис, корхона хотин-қизлари ўртасида олиб бораётган ишлари вилоятда намунали деб топилди ва "Энг намунали хотин-қизлар қўмитаси бошланғич ташкилоти" вилоят кўрик-танловининг ғолиби бўлди. Бугун эса ана шу муваффақияти нашидаси билан яшаб, меҳнат қилмоқда.

Биз Дилфузахоннинг галдаги ишларига янада зафарлар тилаган ҳолда, Хонободда у каби ишда илғор, меҳнатсевар, оиласи барқарор хотин-қизлар сафи ортишига умид билдирамиз.

Маҳфуза НОРБОЕВА.


« орқага


 МАЪЛУМОТЛАР
Нашр ҳақида
Мулоқот
Обуна
Архив
Фонд лойиҳаси

 РЕКЛАМА


 ОБ-ҲАВО


 ВАЛЮТА КУРСИ
Подробнее на www.nbu.com -->

 РЕЙТИНГ

Hosting by UZINFOCOM




Copyright © 2006 — 2024 IQBOL
Сайт Ўзбекистон мустақил босма ОАВни ва
ахборот агентликларини қўллаб-қувватлаш
ва ривожлантириш жамоат фонди кўмагида яратилди.
Дизайн ва дастурлаш SAIPRO компанияси томонидан амалга оширилди