"ВАТАН ОСТОНАДАН БОШЛАНАДИ"

Андижон санъат коллежида Андижон шаҳар ҳокимлиги, шаҳар хотин-қизлар қўмитаси, Андижон шаҳар маънавият-тарғибот маркази, "Камолот" ЁИҲ Кенгаши, прокуратураси, ички ишлар бўлими, тиббиёт бирлашмаси ҳамкорлигида мамлакатимиз бош Қомуси - Конституциямизнинг 20 йиллигига бағишланган "Ватан остонадан бошланади" деб номланган байрам фестивали ўтказилди.

Тадбир доирасида прокуратура, ички ишлар, тиббиёт соҳаси вакиллари ҳамда маҳалла фуқаролар йиғини ходимлари тадбир меҳмонлари, ўқувчи ва ўқитувчиларни қизиқтирган саволларига жавоб бердилар.

Фестиваль сўнггида Андижон санъат коллежи ўқувчилари тинчлик-осойишталигимиз ва тараққиётимиз гарови бўлган Конституциямизни улуғлаб, концерт дастури намойиш этдилар.

Р.ҲАЙИТБОЕВА.