Янгиликлар
    Сиёсат ва хаёт
    Аёл ва жамият
    Кадриятларимиз
    Хар тугрида
    Бекалик сирлари
    Адабиёт
    Хидоят нури

 ҚИДИРИШ

 ОВОЗ БЕРИШ
Газетамизнинг янги сони сизга манзурми?
 Ха
 Йук
 Менга фарки йук
Овоз бериш натижалари

 РЕКЛАМА


 ҲАМКОРЛАРИМИЗ


Ўзб ¤ Рус ¤ Eng  
№11 дан: 14.03.2013

МУЛОҲАЗА

ОИЛАДА ЭРКАКНИНГ СЎЗИ УСТУН БЎЛСИН

Бир даврада дугоналаримдан бири ўғлини уйлантириши лозимлигини, ўғлига муносиб қиз қидираётганлигини айтиб қолди. Биргалашиб таниш-билишларнинг қизларини чамалаб кўрдик.

- Ўқимишли бўлиши керак, деяпсан, Фалончихоннинг қизи-чи? Яқинда олийгоҳни тугатиб, қайсидир коллежда ўқитувчи бўлиб ишлаяпти. Оиласи ҳам дурустгина...

Дугонам бироз ўйланиб турди-да, "бўлмайди", деди кескин қилиб.

Оилада эркак киши биринчи ўринда туриши керак. Сен айтган оилада эса аёлнинг сўзи устун. Қиз бола онанинг тарбиясини олади. Оиласида кўрганини, ота-онасининг бир-бирларига бўлган муомаласини кўриб, улғаяди.

Бу умр савдоси. Шунинг учун ҳам етти ўлчаб, бир кесиш керак.

- Эҳ, дугонажон-эй, бунақада ҳали-бери ўғлингни уйлантиролмайсан. Ундан кўра бу масалани ўғлинга қўйиб бер, яшайдиган у, ўзига муносибини танласин, - деди дангал гапиришга ўрганган дугонамиз Роҳатой гапни чўрт кесиб.

Ўғлимнинг кўнглига қўл солсам, суйгани бор экан. Обдон суриштирдим. Лекин бизга тўғри келмайди.

- Нимаси тўғри келмаяпти, дедим унга қулоқ тутиб.

- Авлодида наслий касаллик бор экан, ким билади дейсан яна...

- Унда ўзингнинг қариндош-уруғингдан қиз бўлса, шулардан келин қила қол. Синашта бўлади, - деди жиғибийрони чиққан Роҳатой.

Йўқ, қариндошдан қиз олиб бўлмайди. Болалари соғлом туғилсин, десанг, етти ёт бегона билан қуда тутиниш керак.

У дедик, бу дедик, унга мос келадиган қизни топиб беролмадик.

Роҳатой уни майда гапликда айблади. Бироқ у билан хайрлашгач, ўйланиб қолди.

Ўғил уйлантириб, қиз чиқариб ҳам бу томонларини ўйламабмиз. Мана энди фарзандларимизнинг уйларини уй қилгунимизча эсимиз кетяпти. Келинимнинг онасини тили ёмон, деб гапиришган эди. Мен қизини оляпман, деб чиройига маҳлиё бўлибман. У чиройликнинг ҳам "тили" бор экан.

Ҳа, Кариманинг келин қидириши баҳонасида биз аёллар анча мунозара қилдик. Ҳар ким ўз фикрини айтди. Келини борлар, хулосасини.

Энг муҳими, "Қуш уясида кўрганини қилади", "Етти пуштини суриштиринг" деган гаплар катталаримиз томонидан бежиз айтилмаганлиги ҳаётда ўз исботини топмоқда.

Шунинг учун ҳам ҳар бир ишни мулоҳаза қилиб, катталарнинг маслаҳатларига қулоқ солиб бошлаш, хайрлидир.

ЗУМРАДХОН.


« орқага


 МАЪЛУМОТЛАР
Нашр ҳақида
Мулоқот
Обуна
Архив
Фонд лойиҳаси

 РЕКЛАМА


 ОБ-ҲАВО


 ВАЛЮТА КУРСИ
Подробнее на www.nbu.com -->

 РЕЙТИНГ

Hosting by UZINFOCOM




Copyright © 2006 — 2024 IQBOL
Сайт Ўзбекистон мустақил босма ОАВни ва
ахборот агентликларини қўллаб-қувватлаш
ва ривожлантириш жамоат фонди кўмагида яратилди.
Дизайн ва дастурлаш SAIPRO компанияси томонидан амалга оширилди