"КАМОЛОТ БОҒИ" ТАШКИЛ ЭТИЛДИ
Жалақудуқ тумани маданият ва истироҳат боғидаги бир гектардан ортиқ бўш турган майдонга ерга туман ҳокимлиги ташаббуси билан 3000 туп арча кўчати экилиб, "Камолот боғи" ташкил этилди. Мазкур ҳашарга умумтаълим мактаблари ҳамда касб-ҳунар коллежлари ўқувчилари амалий ёрдам бердилар. Бундан ташқари, истироҳат боғида ўқувчилар ободонлаштириш ишларини ҳам олиб бордилар.
Тумандаги Н.Исанов массивидаги 5 гектар майдонга эса Хитой Республикасидан келтирилган 62 минг дона тут кўчатлари экилиб, тутзор ташкил этилди. Тутзорни яратишда тумандаги корхона ва ташкилотлар ишчи-ходимлари фаол иштирок этдилар.
Айни пайтда кўчатлар яхши парваришланмоқда.
У. МАМАРАСУЛОВ.
Жалақудуқ тумани.
|