Янгиликлар
    Сиёсат ва хаёт
    Аёл ва жамият
    Кадриятларимиз
    Хар тугрида
    Бекалик сирлари
    Адабиёт
    Хидоят нури

 ҚИДИРИШ

 ОВОЗ БЕРИШ
Газетамизнинг янги сони сизга манзурми?
 Ха
 Йук
 Менга фарки йук
Овоз бериш натижалари

 РЕКЛАМА


 ҲАМКОРЛАРИМИЗ


Ўзб ¤ Рус ¤ Eng  
№16 дан: 18.04.2013

ИҚТИДОРЛИ ЁШЛАРИМИЗ

ЧЕМПИОН ҚИЗ ЗУҲРА

Юртимизда мустақиллик йилларида хотин-қизларнинг спорт билан шуғулланишлари учун барча имкониятлар яратилди. Бунинг самараси ўлароқ, айниқса, қизлар ўртасида юқори натижаларга эришаётганлар сафи йилдан-йилга ортиб бормоқда.

Андижон шаҳрида яшовчи Зуҳра Қурбонова ҳам 13 ёшидан бошлаб спортнинг каратэ тури билан шуғулланиб келади. Устози Ҳусанбой Жабборов Зуҳранинг қатъият билан спортга кириб келишини кўриб, уни шогирдликка олиб янглишмаганини билди.

- Ўзим тенги болаларни спорт залларига бориб шуғулланишаётганини кўриб, менда ҳам ҳавас уйғонди, - дейди Зуҳра. - Мен ҳам каратэ тури билан шуғулланишга аҳд қилдим. Бўш қолдим дегунча спорт залига югурдим, Астойдил ўз устимда ишладим. Қайсидир элементини чиқаролмай хуноб бўлган вақтларим кўп бўлган. Мураккаб жараён. "Бўлди, каратэ мен учун эмас экан", дея ўзимни койиганман. Лекин қўлимдан келмади, деб чиқиб кетишни ҳам эп кўрмаганман. Шу сабабли ўзимдаги қатъият, бир ишнинг бошини тутдимми, албатта, охирига етказишим керак эди. Биринчи гал йиқилганимда, ўнгланишим мушкулроқ кечган бўлса, иккинчи марта бироз ўзимни тутиб олдим. Учинчи гал эса йиқилмай қаддимни ростладим.

Ҳар сафар татамига чиқишимдан олдин ҳам яқинларимнинг ҳам мураббийнинг юзини ёруғ қилишим лозимлигини ич-ичимдан ҳис қиламан. Шу менга куч беради. Нуфузли мусобақаларда чемпион бўлиш орзумга айланди. Шунинг учун ҳар томонлама, ҳам руҳан, ҳам жисмонан кучли бўлишга ҳаракат қилиб келдим.

Муваффақиятга эришишда орзу-умиднинг ўзи кифоя эмас. Каратэ билан жиддий шуғуллана бошлаган Зуҳра мақсад, ирода ва жисмоний чиниқиш бирдай муҳимлигини англаб етди.

2009 йил Зуҳра учун унутилмас йил бўлди. Илк бор ўз вазн тоифасида Ўзбекистон чемпионатида қатнашиб, 2-ўринни, Ўзбекистон кубогида 1-ўринни эгаллади. 2010-2011 йилларда ҳам турли мусобақаларда иштирок этиб, ғолибликни қўлга киритди. Йилдан-йилга тажрибаси ортди. 2012 йилда "Тошкент ОПЕН" турнирида 1-ўрин, шу йили яна республикамизда ўтказилган Осиё чемпионатида 2-ўрин соҳиби бўлди.

Мазкур йилда эса Зуҳра Қурбонова Ўзбекистон чемпионатида 16-17 ёшлилар орасида 48 вазн тоифасида қатнашиб, 1-ўринни эгаллаб, олтин медални қўлга киритди.

Бундай юқори натижаларга эришишда устозларининг, айниқса, вилоят каратэ федерация-си раҳбари Муроджон Мўйдиновнинг хизматларини алоҳида эътироф этиш керак.

- Галдаги мақсадим, Осиё ва жаҳон ареналаридаги мусобақаларда қатнашиб, чемпион бўлиш, - дейди Зуҳра.

У айни пайтда шу ойда бўлиб ўтадиган "Олтин водий"турнирига тайёргарлик кўрмоқда.

Ҳа, фарзандларимиз спорт билан шуғулланса асло кам бўлмайди. Қолаверса, соғлом танда, соғ ақл деб бекорга айтмайдилар. Спорт билан шуғулланган кишининг албатта, маънавий дунёси ҳам бой бўлади.

Биз спортчи қиз Зуҳра Қурбоновага ҳаётда ва спортда омад тилаб қоламиз!

Зумрадхон

АБДУЛЛАЕВА.


« орқага


 МАЪЛУМОТЛАР
Нашр ҳақида
Мулоқот
Обуна
Архив
Фонд лойиҳаси

 РЕКЛАМА


 ОБ-ҲАВО


 ВАЛЮТА КУРСИ
Подробнее на www.nbu.com -->

 РЕЙТИНГ

Hosting by UZINFOCOM




Copyright © 2006 — 2024 IQBOL
Сайт Ўзбекистон мустақил босма ОАВни ва
ахборот агентликларини қўллаб-қувватлаш
ва ривожлантириш жамоат фонди кўмагида яратилди.
Дизайн ва дастурлаш SAIPRO компанияси томонидан амалга оширилди