ТАДБИРКОРЛАРИ БОР ГЎША ОБОДДИР
Жалақудуқ тумани, Ойим шаҳарчаси ҳудуди чегара зонасида жойлашган "Ўзбекистон" маҳалласи энг катта ва обод масканлардан бири ҳисобланади. Ушбу маҳаллада қўли очиқ тадбиркорлар, савобталаб инсонлар кўпчиликни ташкил қилади. Аҳоли ўртасидаги бирдамлик туфайли маҳаллада янги замонавий гузар, чойхона, новвойхона, турли устахона ва мини дўконлар қад ростлади.
- Тадбиркор Муҳаммаджон Позилов томонидан маҳалла ўрамидаги янги қабристонга дарвоза, дафн маросимини ўтказишга келганлар учун катта ҳажмда айвон қурдирилди, - дейди маҳалла фуқаролар йиғини раиси Маматхолиқ Собиржонов. - Маҳалламиз аҳолиси эса атрофига манзарали дарахтлар, гул кўчатлари экдилар. Қурилиш қўли гул ҳунарманд усталар Бахтиёр Тожиаҳмедов, Абдувоҳид Ҳамидов, Жакбарали Умаров ва шогирдлари томонидан битказилди.
Бундай хайрли ишлар Хотира ва Қадрлаш кунида ҳам давом этди. Бир пиёла чой устида ўтганлар хотирланиб, тириклар қадрланди.
Кўпчилик дуоси билан қилинаётган хайрли ишлар орқали маҳалла обод ва кўркам бўлиб бораётир.
Ҳ. МАМАТҚУЛОВА,
Жалақудуқ тумани.
|