ДАВРА СУҲБАТИ БЎЛИБ ЎТДИ

Фуқаролик жамияти шаклланишини мониторинг қилиш мустақил инсититути вилоят ҳудудий бўлинмасида "Оммавий ахборот воситалари фаолиятининг самарадорлиги фуқаролик жамияти шаклланишининг асосий омили" мавзусида давра суҳбати бўлиб ўтди.

Мазкур институт томонидан вилоят матбуот ва ахборот бошқармаси, Ўзбекистон Журналистлари ижодий уюшмаси вилоят бўлими ҳамда Республика Маънавият тарғибот маркази вилоят бўлинмаси ҳамкорлигида ташкил этилган ушбу тадбирда вилоятдаги босма ва электрон оммавий ахборот воситалари муҳаррирлари, Маънавият тарғибот маркази шаҳарлар ва туманлар бўлимлари раҳбарлари, таълим муассасалари маънавият ва маърифат марказлари ходимлари иштирок этдилар.

Тадбирда Фуқаролик жамияти шаклланишини мониторинг қилиш мустақил инсититути вилоят худудий бўлинмаси раҳбари Т. Каримов, Республика Маънавият тарғибот маркази вилоят бўлинмаси раҳбари М. Юлдашевлар мавзу юзасидан маъруза қилдилар, тегишли дастурлар ижроси бўйича маълумотлар бердилар.

Тадбир якунида иштирокчилар ўзларининг қизиқтирган саволларига жавоб олдилар.

Хосият СИДДИҚОВА.