ЭЛЕКТРОН БАЗАНИ ШАКЛЛАНТИРИШГА ОИД СЕМИНАР
З. М. Бобур номидаги Андижон вилоят ахборот-кутубхона маркази ва вилоят ўрта махсус касб-ҳунар таълими бошқармаси ҳамкорлигида Избоскан ижтимоий-иқтисодиёт коллежида "АРМларда ўлкашунослик бўйича электрон базани шакллантириш" мавзусида семинар-тренинг бўлиб ўтди.
Унда йиғилганлар ўлкашуносликка оид нашрларнинг электрон ресурсларини яратилиши, нашрларнинг электрон каталогга киритилиши ва айниқса, ўлкашунослик адабиётлари тарғиботининг электрон тақдимот шакллари ҳамда анъанавий иш фаолиятининг асосий йўналишлари билан яқиндан танишдилар.
Тадбирда мавзу доирасида ҳамда аҳолининг моддий ва маънавий бойликлар тўғрисидаги билимларини юксалтириш, замонавий ахборот технологияларидан самарали фойдаланиш борасида амалга оширилаётган ишлар ҳақидаги маърузалар ҳамда электрон тақдимотлар иштирокчиларда катта қизиқиш уйғотди.
Семинар доирасида истеъдодли адиб Абдулла Комилнинг "Аждодлар овози" китоби тақдимоти ҳам ўтказилди.
Семинар-тренинг гуруҳларда "Нашрларнинг электрон реклама ролиги лойиҳасини ишлаб чиқиш" мавзусидаги амалий машғулот билан якунланди.
Ш. ШОКИРОВА.
|