ИСТИҚЛОЛ ИНЪОМЛАРИ

Жорий - "Обод турмуш йили"да Қўрғонтепа туманида улкан бунёдкорлик ишлари амалга оширилмоқда. Хусусан, истиқлол йилларида бунёд этилган "Ёшлар маркази", спорт мажмуалари, лицей ва коллежлар биз ёшлар учун кенг имкониятлар эшигини очмоқда.

Жумладан, мустақиллик байрами арафасида тумандаги 23-мусиқа ва санъат мактаби учун янги, замонавий бино қурилиб, фойдаланишга топширилди. Барча қулайликларга эга уч қаватли бинода 150 ўринли концерт зали мавжуд.

"Технолог парвоз" МЧЖ қурувчилари томонидан барпо этилган ушбу мактаб нафақат санъатсевар, балки барча ёшлар учун байрам туҳфаси бўлди. Кўрсатилаётган бу каби эътибор ва ғамхўрлик биз ёшлар қалбида фахр ва ифтихор туйғуларини уйғотади ҳамда шу юрт учун фидоий инсонлар бўлиб камол топишга ундайди.

Д. ЖАБАРАЛИЕВ.