МАҲСУЛОТ ХОРИЖГА ЧИҚАРИЛМОҚДА
Марҳаматлик ҳунарманд Иқболхон Исроилова қизлар учун миллий ва замонавий андозадаги кийимлар, газлама қийқимларидан маҳсулотлар тикиши билан эътибор топди. У айни кунда 8 нафар ёшга устозлик қилиб ҳунар ўргатмоқда. Тажрибали чевар, мавсумбоп маҳсулотлар тайёрлашга ҳам эътибор беряпти. Шогирдлари билан ангор эчкиси юнгидан турли ўлчамдаги сифатли рўмоллар тўқишни ҳам йўлга қўйган.
Бундай маҳсулотлар ички бозордагина эмас, қўшни республикалар бозорларида ҳам ҳаридоргир. Шу сабабли ҳунарманд жорий йилда 200 донадан зиёд ана шундай рўмолларни хорижга чиқаришни мақсад қилган.
А. СОЛИЕВ.
|