ФОЙДАЛИ МУЛОҚОТ

Ўзбекистон либерал-демократик партияси сиёсий кенгаши ижроия қўмитаси ҳамда Ўзбекистон Фермерлар уюшмаси кенгаши ўртасида фермерлар, тадбиркорлик субъектлари фаолиятидаги муаммоларни аниқлаш ва бартараф этиш, бошланғич партия ташкилотига амалий ёрдам кўрсатиш, оилаларда соғлом муҳит, соғлом бола табиясини шакллантириш, қишлоқ хотин-қизларининг ижтимоий- сиёсий фаоллигини ошириш, уларни иқтисодий ислоҳотлар жараёнига кенгроқ жалб этиш борасидаги ишларни кучайтириш мақсадида тузилган ҳамкорлик битимига асосан жойларда қатор тадбирлар ўтказилмоқда.

Ана шундай тадбирлардан бири Андижон вилояти Шаҳрихон туманида бўлиб ўтди. ЎзЛиДЕП Андижон вилоят кенгаши ҳамда вилоят фермерлар уюшмаси ишчи гуруҳи аъзоларининг халқ таълими тизими ходимлари, фермерлар, маҳалла фуқаролар йиғинлари раислари, маҳаллалар фаоллари, партия электорати вакиллари билан мулоқотида қишлоқ аҳолиси турмуш тарзини яхшилаш, маиший масалалар, шунингдек, фермерлар, тадбиркорлик субъектлари фаолиятидаги мавжуд муаммоларни бартараф этиш, бошланғич партия ташкилотлари фаолиятини мувофиқлаштириш ва янада такомиллаштириш масалаларида сўз юритилди.

Ҳар жиҳатдан фойдали ўтган мазкур мулоқот иштирокчилари турли муаммолар юзасидан таклиф ва мулоҳазалар билдирдилар, уларни қизиқтирган саволларга мутахассислар атрофлича жавоб бердилар.

Х. ХАЛИЛОВА,

O'zLiDeP Андижон вилоят кенгаши бўлими мудири.