МУКОФОТ МУБОРАК, ОЙДИНОЙ!

Халқаро хотин-қизлар байрами арафасида мамлакатимиз раҳбари Ислом Каримов фармонига асосан, юртимизнинг энг иқтидорли қизларидан бир гуруҳи Зулфия номидаги Давлат мукофоти билан тақдирланди.

Ушбу нуфузли мукофот Андижон туманидаги педагогика ва ижтимоий-иқтисодиёт коллежи 3-босқич ўқувчиси Ойдиной Абдумуталлибовага ҳам насиб этди.

Ўқишда, жамоат ишларида фаол Ойдинойнинг орзуси келажакда етук шоира бўлиш. Ойдинойга омад кулиб боққани бежиз эмас. Чунки у шеърият оламига дадил кириб келаётган иқтидорли ёшлардан биридир.

Ойдинойни ушбу юксак мукофот билан газетамизнинг кўп минг сонли ўқувчилари номидан муборакбод этамиз!