"КУЧ - АДОЛАТДАДИР"
Андижон шаҳридаги ҳарбий горнизонда соҳибқирон Амир Темур таваллудининг 678 йиллигига бағишлаб маънавий-маърифий тадбир бўлиб ўтди.
"Куч - адолатдадир" деб номланган ушбу тадбирда Андижон политехника касб-ҳунар коллежи ўқитувчи ва ўқувчилари, ҳарбий қисм аскарлари иштирок этдилар. Тадбирда мавзу доирасида қизиқарли маърузалар ўқилди, шунингдек, намойиш этилган саҳна кўринишлари, улуғ боболаримиз ҳақидаги қизиқарли савол-жавоблар иштирокчиларда катта таассурот қолдирди. Якунда концерт дастури намойиш этилди.
- Бу каби тадбирлар ёш авлод онгида аждодларимизнинг эрк учун олиб борган курашини чуқурроқ англашлари учун асос бўлади, - дейди горнизон командирининг маънавий-маърифий ишлар бўйича ўринбосари вазифасини бажарувчи Жаҳонгир Қаландаров. - Қолаверса, ҳарбийлар қалбида юртга садоқат, мардлик, жасорат туйғуларини мустаҳкамлашга хизмат қилади.
З. РАҲИМБЕРДИЕВА.
|