"АНДИЖОН БАҲОРИ" КУБОГИ ТУРНИРИ
Андижонда қизлар футбол жамоалари ўртасида анъанавий тарзда ўтказиб келинаётган "Андижон баҳори" кубоги учун турнир бўлиб ўтди. Мусобақаларда 24 та жамоа ғолиблик учун баҳс олиб борди.
Вилоят ҳокимлиги, хотин-қизлар қўмитаси, футбол федерацияси ҳамда Болалар спортини ривожлантириш жамғармаси вилоят филиали ҳамкорлигида ўтказилган мазкур турнир кўплаб ёш, истеъдодли футболчи қизларни кашф этди.
Қизиқарли ва голларга бой бўлган турнирнинг якуний натижаларига кўра, олий ўқув юртлари ўртасидаги мусобақаларда Андижон давлат университети жамоаси, касб-ҳунар коллежлари жамоалари ўртасида эса Асака спорт коллежи, болалар ва ўсмирлар спорт мактаблари ўртасидаги мусобақаларда Улуғнор тумани болалар ва ўсмирлар спорт мактаби жамоалари 1-ўринни қўлга киритдилар.
М. КАРИМОВ.
|