"ҚУШЛАР БИЗНИНГ ДЎСТИМИЗ"

Избоскан туманидаги 39-ДИМИда "Қушлар бизнинг дўстимиз" мавзусида тадбир бўлиб ўтди. Тадбирда биология фанидан тузилган савол ва топшириқлар бўйича 7-синф ўқувчилари ўз билимларини синовдан ўтказдилар.

Беллашувда ўқувчилар томонидан тайёрланган она табиат, қушлар ва дарахтлар мавзусидаги чиқишлар, шунингдек, уй ҳайвонлари, паррандалар парвариши ҳақидаги маълумотлар барчада қизиқиш уйғотди.

- Бундан кўзланган мақсад ўқувчиларни она табиатга меҳр-мурувват руҳида тарбиялаш ҳамда уларни ўсимлик ва ҳайвонлар дунёсига бўлган қизиқишини экологик билимларини ривожлантиришдан иборат бўлди, - дейди биология фани ўқитувчиси Зебинисо Абдулхақова.

Тадбир якунида белгиланган шартлар бўйича 7 "б" синф жамоаси ғолибликни қўлга киритди.

Ш. КЕЛДИЕВ.