ЭНГ БИЛИМДОН ІАМШИРА АНИҚЛАНДИ
З. М. Бобур номли вилоят театрида "Ҳамшира-2014" кўрик-танловининг вилоят босқичи бўлиб ўтди.
Айни кунда вилоятдаги тиббиёт муассасаларида 25223 нафар ҳамшира меҳнат қилмоқда. Уларнинг фаолиятини қўллаб-қувватлаш, илғор ҳамшираларни рағбатлантириш мақсадида анъанавий тарзда ўтказиб келинаётган "Йил ҳамшираси" кўрик-танловининг аҳамияти йилдан-йилга ортиб бормоқда.
Уларнинг энг илғор 35 нафар вакиласи иштирок этган танловнинг вилоят босқичи қизиқарли ва юксак савияда ташкил этилди. Қатнашчилар таништирув, савол-жавоб ва эркин мавзудаги чиқишлари билан ўз билим ва маҳоратларини намойиш этдилар. Икки босқичда ўтган танлов жараёнида улар чаққон, моҳир, ўз касбининг етук билимдони эканликларини кўрсатдилар.
Якуний натижаларга кўра, вилоят кўп тармоқли болалар тиббиёт маркази пульмонология бўлими ҳамшираси Сафурахон Комилжонова биринчи ўринга, Андижон шаҳар марказий шифохонаси ҳамшираси Дилдора Шукурова иккинчи, вилоят перенатал маркази ҳамшираси Зилолахон Хошимова учинчи ўринга сазовор бўлдилар.
Ғолибалар ва танловнинг барча иштирокчилари ташкилотчилар томонидан муносиб рағбатлантирилди.
С. САИДОВА.
|