"ХОНОБОД ТАРОВАТИ"

Хонобод шаҳрида анъанавий тарзда ўтказиб келинаётган "Хонобод таровати" ёшлар фестивали ҳамда фестиваль доирасидаги вилоят қизиқчи ва аскиячиларининг танлови бўлиб ўтди.

Шаҳарнинг Алишер Навоий номли маданият ва истироҳат боғида қизиқарли ва кўтаринки руҳда ўтган миллий ўйинлар мусобақалари, дорбозлар гуруҳларининг чиқишлари барчада катта таассурот қолдирди.

"Бек бўра" чойхонасида эса халқимизнинг ардоқли санъаткори, Ўзбекистон халқ артисти Сойиб Хўжаев хотирасига бағишлаб ўтказилган аскиячи, қизиқчилар, миниатюра гуруҳлари кўрик-танлови иштирокчиларининг чиқишлари барчага хушнудлик бахш этди. Иқтидорли ёшлар, миниатюра гуруҳлари қизиқчилари ўз маҳорат ва истеъдодларини намойиш этдилар.

Бундан ташқари, палов тайёрлаш танловида Хонобод шаҳрининг 14 та маҳалласидан моҳир ошпазлар иштирок этиб, миллий таомимизни таёрлаш бўйича ўзаро беллашдилар.

Якунда турли танловлар ғолиблари ташкилотчилар томонидан муносиб рағбатлантирилди. Фестиваль тадбирлари таниқли санъаткорлар, эстрада хонандалари, бадиий жамоалар иштирокидаги гала концерт билан якунланди.

Фестивалда Андижон вилоят ҳокими Ш. Абдураҳмонов иштирок этди.

Ф. ИБАЙДУЛЛАЕВ.