"ЁШЛАР ВА СОҒЛОМ ТУРМУШ ТАРЗИ"

Вилоят ўрта махсус касб-ҳунар таълими бошқармаси ҳамда "Иқбол" газетаси таҳририяти ҳамкорлигида Андижон туманидаги педагогика ижтимоий иқтисодиёт касб-ҳунар коллежида "Ёшлар ва соғлом турмуш тарзи" мавзусида тадбир бўлиб ўтди.

Тадбирда мутахассислар томонидан соғлом турмуш тарзини шакллантириш, кашандалик, гиёҳвандлик сингари иллатларнинг жирканч оқибатлари ҳақида ёшларга кенг маълумотлар берилди.

- Тадбирда ўқувчиларимизга тамаки чекиш, кашандалик қанчалик зарарли эканлиги хусусида ҳаётий мисоллар орқали кенг тушунчалар берилди, - дейди коллеж директорининг маънавий-маърифий ишлар бўйича директор ўринбосари Марғуба Аҳмедова. - Бу ўқувчиларимизнинг соғ-лом турмуш тарзи борасидаги билимларини янада бойитди.

Очиқ мулоқот тарзида ўтган тадбир иштирокчилари ўзларини қизиқтирган саволларга батафсил жавоб олдилар. Фаол иштирок этган бир гуруҳ ўқувчиларга таҳририят томонидан адабиётлар тўплами совға қилинди.

Х. СИДДИҚОВА.