"СОҒЛОМ ОИЛА" МУСОБАҚАСИ
Таълим, фан ва маданият ходимлари касаба уюшмаси Андижон шаҳар кенгаши томонидан Ўзбекистон Республикаси мустақиллигининг 23 йиллиги олдидан "Соғлом бола йили" Давлат дастури доирасида "Соғлом оила" деб номланган оилавий спорт мусобақасининг шаҳар босқичи ўтказилди.
Мусобақада шаҳардаги коллежлар, академик лицейлар, умумтаълим мактаблари ва мактабгача таълим муассасалари ҳамда мактабдан ташқари муассасаларнинг оилавий жамоалари иштирок этдилар. Спорт беллашувлари қизғин курашаларга бой тарзда ўтди. Унда 69-мактабгача таълим муассасаси жамоаси 1-ўринни, "Баркамол авлод" маркази жамоаси 2-ўринни, 18-умумтаълим мактаби жамоаси 3-ўринни қўлга киритдилар ва турнирнинг вилоят босқичида қатнашиш ҳуқуқига эга бўлдилар. Фаол иштирок этган АДУ қошидаги 5-академик лицей, 19-умумтаълим мактаби, 63-мактабгача таълим муассасаси жамоалари турли номинациялар бўйича ғолиб деб топилдилар. Ғолиб ҳамда фаол иштирок этган жамоаларга эсдалик совғалар топширилди.
Н. ТЎРАҚУЛОВА.
|