"ҚАЛДИРҒОЧ"ДА КЎНГИЛЛИ ХОРДИҚ

Марҳамат туманидаги 31-ДИМИ қошида ташкил этилган "Қалдирғоч" дам олиш масканида 100 нафар болалар ёзги таътилни мазмунли ўтказишмоқда. Бу ерда болалар дам олишлари учун барча қулайликлар яратилган бўлиб, математика, она тили, адабиёт, тарих, инглиз тили фанлари бўйича ҳамда спорт тўгараклари фаолият олиб бормоқда. Шу жумладан, болаларнинг билим ва маҳоратини, тиббий саводхонлигини ошириш мақсадида турли хил спорт муосбақалари, маданий-маърифий тадбирлар ўтказилмоқда.

- Барча яратилган шароитлар, турли кўрик-танловлар, концерт дастурлари, тўгакраклар фаолияти болаларга қувонч улашмоқда, - дейди мактаб директори Холмуҳаммад Сулаймонов. - Шунингдек, болаларнинг маънавиятини бойитиш мақсадида улар туманимиздаги истироҳат боғи, кинотеатр ҳамда музейларга саёҳатга олиб борилмоқда.

Ш. КЕЛДИЕВ.