ҚАНДОЛАТЧИЛАР МАҲАЛЛАСИ
Андижон шаҳар, Деҳқонобод маҳалласида тадбиркорлик билан шуғулланувчи кишилар талайгина. Дурдонахон Мирзаева ҳам ана шулардан бири. У яқинда қандолат маҳсулотлари ишлаб чиқарувчи цех ташкил қилиб, маҳалладаги 10 нафар қизларни иш билан таъминлади. Бугунги кунда ушбу цехда қизлар томонидан торт, турли печенье ва ширинликлар тайёрланмоқда.
Шунингдек, ушбу маҳаллада яшовчи Рустамжон Йўлдошев ҳам қандолат цехи очиб, 10 хил турдаги ширинликлар ишлаб чиқаришни бошлади. Бунинг натижасида маҳалладаги бир гуруҳ ишсиз хотин-қизлар иш билан таъминланди.
Ш. КЕЛДИЕВ.
|