Руҳий тест
"ОИЛАНГИЗДА НИЗОЛАР МАВЖУДМИ?"
1. Сиз учун муҳими нима?
а) Никоҳ ва оила - 1 балл;
б) Турмуш ўртоқсиз, никоҳсиз ҳам ҳаёт ёмон бўлмас эди - 0 балл.
2. Никоҳга енгил қараб, уни катталарнинг ўйинига ўхшайди, деб ҳисоблайсизми?
а) Ҳа - 1 балл; б) Йўқ - 0 балл.
3. Ота-онангиздан ҳали ҳам моддий ёрдам сўраб турасизми?
а) Ҳа - 0 балл; б) Йўқ - 1 балл.
4. Турмуш ўртоғингиз билан оиладаги ва ҳаётий қарашларингиз бир-бирига мос тушадими?
а) Ҳа - 0 балл; б) Йўқ - 1 балл.
5. Турмуш ўртоғингиз ва бошқа оила аъзоларингиз билан маиший ва хўжалик соҳаси бўйича тасаввурларингиз бир хилми?
а) Ҳа - 0 балл; б) Йўқ - 1 балл.
6. Муносабатларингизни ойдинлаштиришда низо ва келишмовчиликлар тез-тез юзага келиб турадими?
а) Ҳа - 1 балл; б) Йўқ - 0 балл.
7. Иккингизнинг ҳам қизиқиш ва дунёқарашларингиз ўзгачами?
а) Ҳа - 0 балл; б) Йўқ - 1 балл.
8. Фарзандларингиз сони нечта?
а) 2 та ва ундан ортиқ - 0 балл;
б) 2 тадан кам - 1 балл.
9. Болаларингиз тарбияси қай даражада?
а) Юқори - 0 балл; б) Ўртача ёки паст - 1 балл.
Баллар ҳисоби:
0-2 баллгача. Ажралиш сизнинг оилангизга хавф солаётгани йўқ. Мустаҳкам оила қуриш қийинчиликларини енгиш учун барча имкониятлар мавжуд. Шунинг учун ушбу имкониятлардан унумли фойдаланинг. Оддий тортишувлар ўзаро муносабатингизга таъсир кўрсатмайди.
3-5 балл. Сизнинг муносабатингиз таранглик чегарасида. Сиз турмуш ўртоғингиздан доимо мамнун эмассиз. Бундай вазиятлар ажралиш хавфини туғдиради. Оилавий ҳаётингиз айрим ҳолларда зерикарли туюлса-да сиз ундан қониқасиз. Ўзаро мулоқот чоғида хушмуомала бўлишга интилинг. Вақти келганда ён босишни ҳам билинг. Турмуш ўртоғингиз билан бир-бирингизга қанчалик ғамхўр бўлсангиз, шунча оиладаги тушунмовчиликлар бартараф бўлади.
6-9 балл. Оилангиздаги муносабат яхши деб бўлмайди. Бу ҳаттоки, ажралишингиз учун етарли сабаб бўлмоқда. Оиладаги масъулиятга аёл ҳам, эркак ҳам бирдек жавобгар. Бир-бирингизни қониқтирмаётган ҳолатларнинг сабабини яхшилаб ўйлаб кўриш даркор. Аёл киши эътиборли ва ширин сўзли бўлиши оила мустаҳкамлигини таъминлайди. Ўз навбатида эр ҳам меҳр-оқибатли бўлиши муҳимдир.
Нигора ЎРМОНЖОНОВА тайёрлади.
|