Ўзбекистон, сенинг ҳар кунинг улуғ
Юртим боши узра эсар хуш сабо,
Истиқлол энг олий, қадрли неъмат.
Кексалар дилида, тилида дуо,
Халқим кўнгли очиқ, ҳам олийҳиммат.
Довонлар ортдадир, етдинг ҳур бўстон,
Эркнинг навқирон алп йигит ёшига.
Бугун ўзингга хон, ўзингга султон,
Бутун дунё қойил сабринг тошига.
Темурбек, Жалолиддин фахри кўксимда,
Мадҳинг қаламимда, номингдир қутлуғ.
Мустақиллик бахти балқир юзимда,
Ўзбекистон, сенинг ҳар кунинг улуғ.
Юртим, қадринг осмон, сур давру даврон,
Дориломон кунлар келажакка йўл.
Бошингни силаган оқилдир сарбон,
Олға босажакмиз бериб қўлга-қўл.
Ойбек МАҚСУДОВ.
|