ОДАМ САВДОСИНИНГ ОЛДИНИ ОЛИШДА ХОТИН-ҚИЗЛАР ҚЎМИТАЛАРИНИНГ ЎРНИ

"Оила" илмий-амалий маркази вилоят бўлимида одам савдосининг олдини олиш ва бу борада хотин-қизлар қўмиталари фаоллигини ошириш мавзусида семинар бўлиб ўтди.

Туман ва шаҳар хотин-қизлар қўмиталари мутахассислари иштирок этган ушбу тадбирда вилоят ҳокими ўринбосари, вилоят хотин-қизлар қўмитаси раиси Манзурахон Юнусова, вилоят ҳокимлиги котибият мудири Мавлудахон Низомова сўз олиб, одам савдосининг олдини олиш борасидаги муҳим вазифалар хусусида гапирдилар.

Шунингдек, қўмиталарнинг ҳамкор ташкилотлар билан ишлаш самарадорлигини ошириш, ёшларни иш билан таъминлашдаги фаоллигини янада кучайтириш зарурлиги алоҳида таъкидланди.

Мазкур тадбир мутахассисларнинг одам савдосининг олдини олиш борасидаги билимларини оширишга хизмат қилди.

Элмурод АБДУЛЛАЕВ,

жамоатчи мухбир.