ЛОЛА ДАРАХТЛАРИ - КЎЧАЛАРИМИЗ КЎРКИ

Андижон шаҳри кўчалари кундан-кунга чирой очмоқда. Баланд иморатлар, ўнлаб бир-биридан чиройли фавворалар, айниқса, йўл бўйидаги ранг-баранг гул кўчатлари. Буларнинг бари шаҳримизнинг янада гуллаб-яшнаши учун муносиб ҳисса қўшмоқда.

Яқинда Андижон шаҳар ободонлаштириш бошқармаси ҳамкорлигида Алишер Навоий шоҳкўчасидаги йўл бўйларига маҳаллийлаштирилган лола дарахтлари кўчатлари ўтқазилди. Улар ўзига хослиги, гўзаллиги билан шаҳримиз кўркига кўрк қўшиши шубҳасиздир.

Вилоятимиздаги бошқа бир қатор ташкилот ва муассаса жамоалари ҳам ушбу ташаббусни қўллаб-қувватлаган ҳолда иш бошлаб юбордилар.

У. АБДУСАЛОМОВ.