ННТЛАР ФАОЛЛИГИ ОШМОҚДА
Вилоят касаба уюшмалари ташкилотлари бирлашмасида "Ҳудуддаги ижтимоий-иқтисодий ва гуманитар дастурларни амалга оширишда ННТларнинг иштирокини кенгайтиришда Ўз-ННТМАнинг роли" мавзусида матбуот анжумани бўлиб ўтди.
Вилоятимизда мавжуд нодавлат нотижорат ташкилотлари вакиллари, ҳудудий босма ва элек-трон оммавий ахборот воситалари вакиллари иштирок этган ушбу тадбир асосан ННТларнинг ижтимоий-иқтисодий ва жамоатчилик фаоллигини ошириш, шунингдек, мавзу доирасида давра суҳбатлари ва семинарлар ўтказиш масалаларига бағишланди.
Анжуманда жорий йилда Ўзбекистон Республикаси Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди томонидан эълон қилинган грант танловлари ва уларнинг ғолиблари, лойиҳалар доирасида амалга оширилаётган ишлар хусусида атрофлича сўз юритилди.
Якунда иштирокчилар мавзу бўйича ўзларини қизиқтирган барча саволларга мутасаддилардан батафсил жавоблар олдилар.
З. РАҲМОНОВА.
|