ОАВЛАР ФАОЛЛИГИ ОРТИБ БОРМОҚДА

Вилоят матбуот ва ахборот бош-қармасида вилоятдаги оммавий ахборот воситаларининг жорий йил биринчи ярми фаолияти якунлари ҳамда Ўзбекистон Республикаси Президентининг Матбуот ва оммавий ахборот воситалари ходимлари куни муносабати билан йўллаган табригидан келиб чиқадиган долзарб вазифаларга бағишланган давра суҳбати бўлиб ўтди.

Ўзбекистон Журналистлар ижодий уюшмаси вилоят бўлими ҳамда Фуқаролик жамияти шаклланишини мониторинг қилиш мустақил институти ҳудудий бўлими ҳамкорлигида ташкил этилиб, вилоятдаги босма ва электрон ОАВ раҳбарлари, ходимлари иштирок этган мазкур семинарда вилоят ва матбуот бошқармаси бошлиғи А. Султонов сўз олиб, вилоятимиз босма нашрларининг жорий йил биринчи ярмидаги фаолияти, уларда чоп этилаётган таҳлилий-танқидий мақолалар юзасидан ўз фикр ва мулоҳазаларини билдирди.

Давра суҳбатида юртимизда олиб борилаётган улкан бунёдкорлик ишларини кенг ёритиш, шунингдек, жамоатчилик назоратини амалга ошириш ҳамда мавжуд муаммоларни бартараф этишда ОАВлари иштироки ва фаоллигини ошириш зарурлиги алоҳида таъкидланиб, бу бора-даги ишлар самарадорлигини ошириш юзасидан таклиф, фикр ва мулоҳазалар билдирилди.

З. РАҲМОНОВА.