ҲАРБИЙЛАР ОИЛАЛАРИ ЭЪТИБОРДА
Вилоят мудофаа ишлари ва соғлиқни сақлаш бошқармалари ҳамда "Соғлом авлод учун" жамғармаси вилоят бўлими ҳамкорлигида мамлакатимиз мустақиллигининг 24 йиллик байрами арафасида "Бетакроримсан, ягонасан, она Ватаним - Ўзбекистоним" шиори остида Пахтаобод туманидаги Миллий хавфсизлик хизмати чегара қўшинлари ҳарбий қисмида ҳарбий хизматчиларнинг оила аъзолари ҳамда Қуролли Кучлар ишчи хизматчилари учун тиббий кўрик тадбири ўтказилди.
Вилоят ўсмирлар поликлиникаси шифокорлари иштирокидаги кўрик жараёнида харбий хизматчилар ва уларнинг оила аъзолари, умуман, фуқароларнинг саломатлигини мустаҳкамлаш, оилаларда соғлом турмуш тарзини шакллантириш, тиббий маданиятини ошириш масалаларига бағишланган давра суҳбатлари ташкил этилди, зарур тавсия ва маслаҳатлар берилди.
Тадбирни ўтказишда ҳарбий қисм командирининг тарбиявий ишлар бўйича ўринбосари, подполковник А. Холмуродов, хотин-қизлар бошланғич ташкилоти раиси М. Ахунова, қисм тиббиёт ходимаси Т. Эгамбердиевалар фаоллик кўрсатдилар.
Мазкур тадбир юртимизда ҳарбий хизматчилар ва уларнинг оилаларига кўрсатилаётган эътибор ва ғамхўрликнинг намунасидир.
З. РАҲИМБЕРДИЕВА,
жамоатчи мухбир.
|