ИСТИҚЛОЛИНГ МУБОРАК, ОНАЖОН ЮРТИМ!

Эрк бағрида яйраб ўйнайди сабо,

Бунда шўх жаранглар ҳар ширин наво,

Минг йиллар қаъридан келар хуш садо:

Истиқлолинг муборак, онажон юртим!

Йигирма тўрт йилнинг файзи бўлакча,

Бунда обод ҳатто митти йўлакча,

Дилда тинчлик деган чўғ бордир лағча,

Истиқлолинг муборак, онажон юртим!

Кекса момом, бобом эътибор топган,

Онам ширмой нонни эркалаб ёпган,

Бағрингда барча бир эъзоздан тотган,

Истиқлолинг муборак, онажон юртим!

Кеча ким эдигу, бугун ким бўлдик,

Мақсадга интилиб зиёга тўлдик,

Ҳар шиор бағрида ўйнадик, кулдик,

Истиқлолинг муборак, онажон юртим!

Мадина МУҲАМЕДОВА.