Қадри осмонларга тенгдош аёл у!
Дилида меҳрнинг чексиз уммони,
Боласига садқа топгани, жони,
Вафога йўғрилган томирда қони,
Қадри осмонларга тенгдош аёл у!
Юрагига жойлаб ишқнинг розини,
Нигоҳга беркитиб ғурур созини,
Ҳаёга алишиб ишва-нозини,
Қадри осмонларга тенгдош аёл у!
Бахтлилигин айтар босган қадами,
У олам чиройин дури, садафи,
Гўё жон талашар кокилин сафи,
Қадри осмонларга тенгдош аёл у!
Изларидан унган ҳаваслар боғи,
У миллат чироғи, сеҳр чорбоғи,
Марду майдонларнинг суянган тоғи,
Қадри осмонларга тенгдош аёл у!
Гулшода ҚЎЛДОШЕВА.
|