"АНДИЖОН САДОСИ" - ИНТЕРНЕТ ГАЗЕТА
Вилоят матбуот ва ахборот бошқармасида WWW.ANDIJON-SADOSI.UZ интернет газетасининг тақдимоти бўлиб ўтди.
Вилоятда биринчи бўлиб ўз фаолиятини бошлаган мазкур интернет нашр орқали вилоятимиздаги сўнгги янгиликлар, амалга оширилаётган бунёдкорлик ишлари, тадбиркорлик, умуман, турли соҳаларда ибратли фаолият юритаётган андижонликлар, ижтимоий ҳаётимизнинг турли жабҳаларидаги мавжуд муаммолар, юзага келаётган турли иллатлар, уларнинг олдини олиш, суд-ҳуқуқ тизимидаги ислоҳотлар, суд ва прокуратура фаолиятининг ошкоралигини таъминлаш борасида олиб борилаётган ишлар билан танишиб бориш мумкин.
Аҳолининг ахборотга бўлган эҳтиёжини қондириш, давлат, жамоатчилик ва фуқаролар ўртасида очиқ ва самарали мулоқотни йўлга қўйишда, шубҳасиз, ушбу интернет нашрининг фаолияти муҳим аҳамият касб этади.
Жамиятимизда демократик тамойилларни шакллантиришдек эзгу мақсад йўлида иш бошлаган интернет газета жамоасига ижодий зафарлар тилаймиз.
З. РАҲМОНОВА.
|