"СПОРТ - СОҒЛИК ГАРОВИ"

Ёшлар орасида соғлом турмуш тарзи кўникмаларини шакллантириш, уларнинг жисмоний тарбияга бўлган қизиқишларини юксалтириш мақсадида Хўжаобод педагогика ва ижтимоий-иқтисодиёт коллежида "Спорт - соғлик гарови" шиори остида теннис бўйича мусобақа бўлиб ўтди.

Коллежнинг жисмоний тарбия ўқитувчиси Шоядбек Яқубов ҳамда теннис спорт тўгараги раҳбари Раҳматилло Муллабоевлар ташаббуси билан бўлиб ўтган мазкур мусобақада 1-, 2- ва 3- курс ўқувчилари ғолиблик учун ўзаро беллашдилар.

Мусобақанинг якуний натижаларига кўра, қизлар ўртасида Машҳу-ра Яқубова, ўғил болалар ўртасида Муҳиддин Абдурасуловлар ғолибликни қўлга киритди. Мусобақанинг ғолиб ва фаол иштирокчилари коллеж маъмуриятининг эсдалик совғалари билан тақдирландилар.

С. СУЛТОНОВА.